Zyra e ish-senatorit zviceran, Dick Marty, ka mohuar që Marty të jetë deklaruar rreth Gjykatës Speciale, ashtu siç kanë raportuar mediat serbe, raporton Gazeta Express.
Siç shkruanin sot agjencia e lajmeve ‘tanjug’ dhe ‘B92’, thuhej se Dick Marty kishte deklaruar se “është optimist se shumë shpejtë Gjykata Speciale do të arrestojë ata që në Kosovë njihen si ‘peshqit e mëdhenj”.
Një gjë e tillë është mohuar kategorikisht nga zyra e Martit, duke thënë se ai nuk ka dhënë deklarata të tilla rreth Gjykatës Speciale.
“ Z. Marty nuk ka bërë asnjë deklaratë lidhur më këtë çështje, dhe as nuk është duke planifikuar që të flas për këtë çështje në përgjithësi”, thuhet në përgjigjen e dhënë për Gazetën Express.
Lajmi me këto ‘deklarime’ të Martyt fillimisht ishte publikuar në një agjenci lajmesh shqiptare të quajtur ‘Presheva Jone’ e cila vepron në Serbi, nga ku edhe mediat serbe e kanë marrë lajmin.
Në këtë raportim thuhej që Marty të ketë deklaruar se Gjykata Speciale nuk do të jetë kundër luftë së UÇK-së, por ndaj atyre të cilët e keqpërdoren këtë luftë.
Marty përgjatë kohës sa ishte prokuror, kishe përgatitur një raport lidhur me pretendimet e tij për trafikim me organe përgjatë luftës së vitit 1999.
Në këtë raport emri i presidentit Thaçi është i përmendur rreth 27 herë./GazetaExpress/
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...