Google ADS

BIK-u merr përsipër shërimin e gruas, e cila u godit nga kamioneta në Prishtinë

18:20 | 12 Shkurt 2019
Arbresh.info

Nën organizimin e Kryesisë së Bashkësisë Islame të Kosovës, sot është nisur për mjekim në Stamboll, Taunita Hoxha, e cila ishte aksidentuar ditë më parë në Prishtinë.

Dërgimi i saj është bërë me aeroplan të veçantë dhe ajo do të trajtohet në Spitalin Universitar “Bezmi Alem”.

Lajmin e ka konfirmuar vetë Bashkësia Islame e Kosovës, nëpërmjet një komunikate për media.

“Kjo është arritur si rezultat i marrëveshjes së bashkëpunimit që ka nënshkruar Kryesia e BIRK-ut me Drejtorinë e Vakëfeve të Republikës së Turqisë. Kryesia e BIRK-ut, i dëshiron shërim sa më të shpejtë Tuanita Hoxha, si dhe kthim sa më të shpejtë pranë familjes së saj”, thuhet në njoftimin e BIK-ut.

Vajza e aksidentuar, ishte goditur nga një makinë ditë më parë në Prishtinë.

Ajo ishte shtatzënë dhe si pasojë e goditjes, ka humbur edhe fëmijën.

Shpërndaje në rrjete sociale

Lajmet më të lexuara

Të ngjashme

Foto lajm