Bekim Jashari: Debati për ditëlindjen e Adem Jasharit për të zhvendosur vëmendjen nga tema e listave të veteranëve

12:09 | 21 Gusht 2018
Arbresh.info

Nipi i komandantit të UÇK-së, ka folur rreth dilemave për ditëlindjen e Adem Jasharit. Kryetari i Skenderajt, Bekim Jashari ka shprehur zhgënjimin e tij ndaj institucioneve shtetërore për të cilat tha se nuk reaguan rreth këtij debati. Ndërsa deklarimin e analistit Nexhmedin Spahiu e quan absurd dhe të porositur.

Ai, thotë se një debat i tillë u bë për të zhvendosur vëmendjen nga tema e listave të veteranëve të UÇK-së.

28 Nëntori në Kosovë nuk shënon vetëm festën e shpalljes së Pavarësisë së Shqipërisë, por edhe ditëlindjen e komandantit të Ushtrisë Çlirimtare të Kosovës, Adem Jasharit.

Çdo 28 nëntor, nën atmosferën e flamujve kuq e zi dhe këngëve patriotike kushtuar rezistencës së familjes Jashari të bërë në luftën kundër okupatorit serb, festohet ditëlindja e Adem Jasharit.

Në Kosovë, kjo datë e lindjes ishte temë debati javën që shkoi. U shtrua pyetja se a lindi Adem Jashari më 28 nëntor apo më 10 tetor të vitit 1955.

Analisti Nexhmedin Spahiu ishte ai që pyeti se “kush është ai që i falsifikoi ditëlindjen Adem Jasharit nga 10.10.1955 në 28.11.1955”.

Shpërndaje në rrjete sociale

Lajmet më të lexuara

Të ngjashme

Foto lajm