Arrestohet një inspektor i Administratës Tatimore për keqpërdorim të pozitës zyrtare

11:59 | 24 Tetor 2018
M. A.

Një inspektor i Administratës tatimore të Kosovës (ATK) është arrestuar nga policia nënë dyshime se kishte keqpërdorur pozitën zyrtare.

Policia e Kosovës, respektivisht hetuesit policor kundër krimit ekonomik dhe korrupsionit thekson se përmes masave të fshehta të vëzhgimit pas një pune të gjatë hetimore dhe profesionale kanë arrestuar një person të dyshuar (inspektor në ATK-së) nga rajoni i Ferizajt, nën dyshimin e bazuar se i njëjti ka kryer veprën penale “Keqpërdorim i pozitës apo autoritetit zyrtar”, njofton kumtesa përcjell lajmi.net.

Personi i arrestuar dyshohej që duke keqpërdorur pozitën apo autoritetin zyrtar gjatë periudhës kohore 2016-2018, ka ushtruar ndikim në biznese të ndryshme të rajonit të Ferizajt.

Lidhur me këtë rast njësitet relevante policore kanë ndërmarrë të gjitha veprimet hetimore, ku me autorizim të prokurorit kompetent të njëjtit i është caktuar masa e ndalimit policor prej 48 orësh.

Shpërndaje në rrjete sociale

Lajmet më të lexuara

Të ngjashme

Foto lajm