Arrestohet hajni në Gjakovë, tre të tjerë ende po kërkohen nga policia

16:28 | 14 Nëntor 2018
A. B.

Prokuroria Themelore në Gjakovë në bashkëpunim me policinë ka ndaluar M.R. nga Prishtina, nën dyshimin se me tre persona të tjerë, aktualisht në arrati, kanë kryer veprën penale të vjedhjes së rëndë dhe në ikje kanë goditur me automjetin e tyre automjetin e policisë me ç’rast është lënduar lehtë një pjesëtar i policisë.

Rasti ka ndodhur në orët e hershme të mëngjesit të sotëm në Gjakovë, ka bërë të ditur Policia e Kosovës.

Të dyshuarit kanë dalë nga automjeti dhe kanë ikur në drejtim të “Parkut të Lirisë” në Gjakovë ku gjatë ikjes kanë shtënë një herë me armë në ajër.

Policia ka kërkuar ndihmën e njësive të tjera për të kapur të pandehurit, por nuk kanë arritur përkundër përpjekjeve maksimale.

Prokurori ka propozuar që ndaj të pandehurit M.R., gjykata të caktojë masën e paraburgimit prej një muaji.

Shpërndaje në rrjete sociale

Lajmet më të lexuara

Të ngjashme

Foto lajm