Ambasadori amerikan viziton Xhaminë e Madhe në Prizren

17:46 | 18 Dhjetor 2018
Arbresh.info

Ambasadori i ri amerikan në Kosovë, Philip Kosnett ka zhvilluar sot një vizitë në xhaminë Mehmet Pasha – Bajraklia, në Prizren.

Ai, u mirëprit, nga Kryetari i Këshillit të Bashkësisë Islame të Prizrenit, Mr. Besim ef. Berisha.

Gjatë takimit në brendësinë e xhamisë, ambasadori Kosnett, e vlerësoi kontributin e Këshillit të BI-së Prizren, për shoqërinë, si dhe për zhvillimin e bashkëjetesës e të tolerancës ndërfetare e ndëretnike. Nga ana e tij, kryetari Berisha, e uroi për detyrën e re, ambasador në Prishtinë, si dhe i falënderoi Shtetet e Bashkuara të Amerikës, për përkrahjen e madhe ndaj Kosovës, e posaçërisht për ngjarjen e fundit, për transformimin e FSK-së në Ushtri të Kosovës.

Ambasadori Kosnett, e vizitoi edhe mauzoleun e Mehmet Pashës.

Në fund, Kryetari Berisha dhe ambasadori Kosnett, shkëmbyen nga një dhuratë simbolike.

 

Shpërndaje në rrjete sociale

Lajmet më të lexuara

Të ngjashme

Foto lajm