Google ADS

Albin Kurti pa strategji, kujton përvjetorin e katërt të marrëveshjes së VLAN-it

00:33 | 11 Shtator 2018
Trina Galanxhi

Lideri i Lëvizjes Vetëvendosje, Albin Kurti, ka kujtuar se sot bëhen 4 vjet nga marrëveshja e 10 shtatorit të vitit 2014, Marrëveshjen e VLAN-it.

Marrëveshja ishte nënshkruar mbi parimet ndërmjet koalicionit LDK-AAK-NISMA dhe Vetëvendosje.

“Sot, më 10 shtator, u bënë katër vjet nga Marrëveshja e VLAN-it. Siç dihet e shihet, të tjerët e shkelën atë”, ka shkruar Kurti në Facebook, duke i bashkëngjitur edhe marrëveshjen e nënshkruar mes tij, Isa Mustafës, Ramush Haradinajt e Fatmir Limajt.

Kujtojmë se për rreth gjashtë muaj rresht LDK-ja, Vetëvendosja, AAK-ja e Nisma, ishin zotuar se do ta dërgojnë PDK-në në opozitë.

Partia e Thaçit, atë kohë, ishte dalë e para në zgjedhje dhe sipas gjykimit të Kushtetueses, asaj i takonte mandatari i Qeverisë.

LDK-ja e Isa Mustafës, bëri marrëveshje me PDK-në për të marrë kështu postin e kryeministrit dhe për ta bërë Hashim Thaçin president të vendit, kur Atifete Jahjagës do t’i kalonte afati.

Shpërndaje në rrjete sociale

Lajmet më të lexuara

Të ngjashme

Foto lajm