Deputeti i Lidhjes Demokratike të Kosovës, Lumir Abdixhiku ka thënë se takimi i sotshëm me zyrtarët amerikanë i jep qetësi këtij subjekti politik për kufijtë e Kosovës.
Abdixhiku duke folur për takimin që kanë pasur me zyrtarët amerikanë ka thënë se janë dakorduar që disa gjëra nga ky takim të mbesin brenda diskutimit të brendshëm por thotë se në vija të trasha takimi i sotshëm i jep qetësi LDK’së në report me kufijtë e Kosovës.
“Por jemi të shqetësuar sa i përket relacioneve me aleatin kryesor, Shtetet e Bashkuara të Amerikës…Kosova nuk e ka luksin të ketë gjendjen e tanishme politike. Është e paimagjinueshme që në momentet më historike, Kosova të mos ketë në krahë aleatin më të çmueshëm, Amerikën”, tha Abdixhiku në RTV Dukagjini.
Deputeti i Lidhjes Demokratike të Kosovës ka thënë se për SHBA’në, asnjë marrëveshje e njëanshme nuk është e pranueshme.
“Rrjedhimisht nuk mund të ketë vendosje unilaterale e kufirit në dëm të Kosovës. Në momentet që pala kosovare është e vetëdijshme për pasojat dhe vendos ta refuzojë këtë kufi, Shtetet e Bashkuara të Amerikës janë me Kosovën”, tha ai.
Sipas Abdixhikut është pozitive që administrata e SHBA ka interes për Kosovën, pasi për ne nuk është në interes një administratë amerikane që nuk merret me Kosovën.
“Problemin Kosova e ka brenda… Institucionet tona kanë krijuar një kaos përfaqësues ndërkombëtar. Kemi një President që flet për territor dhe propozon një ridefinim të kufijve të njohur ndërkombëtarë dhe kemi një Kryeministër që vë në dyshim raportet me SHBA’në”, tha ndër të tjera Lumir Abdixhiku.
Osmani viziton Ambasadën e Kosovës në SHBA
Zgjedhjet dhe referendumi testojnë të ardhmen evropiane të M...
Termometri këtë javë shkon në minus, ky është parashikimi i ...
Hajnat hyjnë në një shtëpi në Viti, vjedhin një pistoletë me...
Ekspertët e sigurisë kibernetike dhe psikologët tregojnë mas...
Superliga vazhdon me ndeshjet e xhiros së nëntë, luhet në Su...