Ish-deputeti i Lidhjes Demokratike të Kosovës, Lumir Abdixhiku, e ka quajtur të pakuptimtë ofertën e liderit të Lëvizjes Vetëvendosje Albin Kurti, që të garojnë me listë të përbashkët por se kryeministri të caktohet nga populli përmes votave.
Ai në “Interaktiv” të KTV-së ka thënë se propozimi i Vetëvendosjes ka qenë më shumë një show publik me të cilin do të bëhej garë e brendshme mes dy partive.
Ai ka thënë se në pozicionin e tyre nuk kanë mundur të pranojnë asgjë më pak se mandatarin për kryeministër.
“Propozimi i fundit ka qenë më shumë një show publik. Ajo e bënte njëfarë gare të brendshme krejtësisht të panevojshme. Nëse ne nuk mund të merremi vesh për kandidatin për kryeministër, nuk e di qysh mund të merremi vesh për gjëra tjera”, ka thënë ai, duke shtuar se në dy listat e ndara gara do të jetë më e hapur.
Ai tutje ka potencuar se garën nuk e kanë me Lëvizjen Vetëvendosje, por me PDK-në.
“Beteja e LDK-së është me PDK-në dhe do të jetë ose LDK ose PDK”, ka thënë ai.
Ai thotë se është e habitshme se si Lëvizja Vetëvendosje nuk e pranoi Vjosa Osmanin, por shton se kjo nuk e bënë më të dobët LDK-në.
Ai tutje ka thënë se LDK-ja ishte e sinqertë me Vetëvendosjen.
“Ne me VV-në kemi qenë opozita më efikase dhe më e qytetëruar që ka pasur Kuvendi i Kosovës. Kemi ndaluar shumë procese të dëmshme për Kosovën. Ka pasur frymë bashkëpunimi dhe si e tillë është bartur te Kurti e Mustafa të cilët kanë pasur përafrim për ndërtimin e një qeverie të ardhshme”, thotë ai,
Abdixhiku thotë se zgjedhja e Vjosa Osmanit si mandatare e LDK-së për kryeministre, nuk ka qenë e vështirë duke shtuar se kandidimi i saj nuk ishte artificial por që buroi nga diskutimi i brendshëm, të cilin e cilëson si të natyrshëm dhe demokratik.
Ai ka thënë se dallimet nga fushatat e kaluara janë evidente. Abdixhiku ka thënë se parafushatën e kanë nisur me shëtitjen nëpër qytetet më të mëdha të Kosovës, derisa njofton se kanë filluar me përgatitjen e brendshme për fushatën zyrtare.
Maqedonci: Armatosja e Serbisë, rrezik për stabilitetin në B...
“Më pëlqen Cristiano, por idhulli im është Messi”, sensacion...
Trump: Vdekja e Sinwar lehtëson perspektivat e paqes në Gaza
Bislimi: Progresi i integrimit evropian të Kosovës, nuk ka q...
Theren me thikë dy të mitur në Fier, në pranga bien dy perso...
Për 300 vende të hapura për rekrutë të rinj, kanë aplikuar 1...