Mohamed El-Amine Souef ka konfirmuar në Moskë se shteti i tij e konsideron Kosovën si pjesë të Serbisë.
Ministri i Punëve të Jashtme dhe bashkëpunimit ndërkombëtar të Unionit të Komoreve, Mohamed El-Amine Souef ka konfirmuar në Moskë se shteti i tij e konsideron Kosovën si pjesë të Serbisë.
Ministri i Punëve të Jashtme i Serbisë, Ivica Daçiq kishte deklaruar së fundmi pas takimit me El-Amin në Beograd se Unioni i Komoreve ka tërhequr njohjen e pavarësisë së Kosovës, derisa MPJ e Kosovës ka mohuar vazhdimisht lajmin.
“Qëndrimi ynë është se Kosova është pjesë e Serbisë”, deklaroi El-Amin në një konferencë për media, pas takimit me shefin e diplomacisë ruse, Sergej Lavrov, raportojnë mediat serbe, përcjell lajmi.net.
Sipas deklaratës së tij, Serbia dhe Unioni i Komoreve kanë një problem të ngjashëm.
“Nëse Majot (ishull rreth të cilit shtrihen Unioni i Komoreve dhe Franca) nesër shpall pavarësinë dhe shtete të tjera e pranojnë, ne do të reagonim njësoj sikurse Serbia, duke e mbrojtur integritetin tonë territorial”, shtoi ai.
“Kur flasim për përfshirje në të drejtën ndërkombëtare, kjo lidhet me çështjen e Kosovës. Rregullat ndërkombëtare duhet të respektohen. Me kujdes jemi duke e shikuar zhvillimin e kësaj situate”, porositi ai. Lavrov nga ana e tij ka thënë se Rusia mbështet vendimin e Unionit të Komoreve për tërheqjen e njohjes së Kosovës. /Lajmi.net/
“Ik se po të mbys shpulla” – Eskalon debati në kërcënime mes...
Agani premton “dy vite pushim të lehonisë” për gratë e punës...
Shkup: Gjendet i vdekur një shtetas turk
Qasja e LDK-së ndaj ujdisë së Ohrit, Haziri: Marrëveshje të ...
Parlamenti i BE-së miraton një kredi rreth 38 miliardë dolla...
“Nuk flas me pijanece unë”, Mevlani shokon me deklaratë