Përfaqësuesja e Lartë, Federica Mogherini u takua sot në Bruksel me anëtarët e Delegacionit për Dialog të emëruar nga Kuvendi i Kosovës më 15 dhjetor 2018.
“Duke përshëndetur emërimin e Delegacionit, Përfaqësuesja e Lartë e pa praninë e tyre në Bruksel si një demonstrim i prioritetit që autoritetet e Kosovës po i japin procesit të normalizimit, një kërkesë për rrugën evropiane të Kosovës dhe nevojën për të punuar së bashku në Dialogun midis Prishtinës dhe Beogradit , të lehtësuar nga BE,” thuhet në komunikatën për medie të Shërbimit të Jashtës të Bashkimit Evropian, raporton arbresh.info.
Aty thuhet se takimi ishte një mundësi për një shkëmbim me përfaqësuesit e Kosovës në Dialog.
“Në këtë kontekst, Përfaqësuesja e Lartë përsëriti urgjencën për revokimin e tarifave doganore, të shpallura nga Qeveria e Kosovës në fund të vitit të kaluar,” thuhet në komunikatë.
Sipas Mogherinit, arritja e një marrëveshje gjithëpërfshirëse ligjore për normalizimin e plotë të marrëdhënieve në kontekstin e Dialogut ndërmjet Beogradit dhe Prishtinës kërkon një klimë që kontribuon në marrëdhëniet e fqinjësisë së mirë, ku respektohen dhe zbatohen marrëveshjet e kaluara dhe veprimet dhe deklaratat të cilat nuk janë në përputhje me interesin e përgjithshëm dhe objektivat strategjike të rajonit janë shmangur./arbresh.info/
Ekipi negociator dakordohet të ketë takime më të shpeshtuara
Limaj: Në takim kërkuam angazhim shtesë që të futet në rend dite çështja e liberalizimit
Pep Guardiola shokon me qëndrimin ndaj Carbao Cup
Pacolli: Gambia gjithmonë e ka mbështetur dhe do ta mbështes...
Pas kritikave për ngjashmëri, Kuvendi i Kosovës do të zhvill...
Osmani takon ambasadorin Michael Carpenter, flasin për rëndë...
Konjufca: Kosova është e interesuar ta ketë përkrah një alea...
Nesër vazhdimi i seancës plenare të Kuvendit, ky është rendi...