Gjithsej gjashtëmbëdhjetë luftëtarë të Ushtrisë Çlirimtare të Kosovës priten të ftohen për t’u intervistuar nga Gjykata Speciale.
Kështu bëjnë të ditur për portalin Arbresh.info burime të afërta me çështjen.
Njëri nga të ftuarit për intervistim në muajin janar 2019 pritet të jetë komandanti i Zonës së Llapit Rrustem Mustafa-Remi.
Këtë e ka konfirmuar edhe avokati i tij, Arianit Koci.
16 të ftuarit për intervistim pritet të jenë të parët nga një mori prej tyre që do të ftohen nga Gjykata Speciale.
Kujtojmë se prokurori special Jack Smith dy muaj më parë vizitoi Kosovën.
Smith u përzgjodh për postin e Prokurorit të Specializuar pas një procesi të organizuar nga Bashkimi Evropian dhe u emërua në këtë post nga shefja e Misionit të EULEX-it, Aleksandra Papadopulu (Alexandra Papadopoulou).
Ai e filloi detyrën më 11 shtator. Smith është prokuror amerikan me përvojë në hetime politike të nivelit të lartë dhe në hetime penale ndërkombëtare.
Smith pasoi David Schwendiman, më herët edhe Kryeprokuror i Task Forcës Hetimore Speciale, i cili e lëshoi detyrën në fund të marsit, pas përfundimit të mandatit të tij si zyrtar i Shërbimit të Jashtëm të Shteteve të Bashkuara.
Zyra e Prokurorit të Specializuar po heton krimet e pretenduara në Raportin e Këshillit të Evropës të vitit 2011 “Trajtimi ҫ’njerёzor i personave dhe trafikimi i paligjshëm i organeve njerëzore në Kosovë”./Arbresh.info/
Osmani ndan tjera fotografi nga pritja në West Point: Falemi...
KFOR-i: Situata në terren është e qetë, por mbetet e brishtë
Policia Bashkiake e Tiranës certifikohet nga kompania e njoh...
Fero fiton kujdestarinë e vajzës së tij për një vit
Fillojnë trajnimet për noterët e rinj, Haxhiu iu uron sukses...
Hetimi i brendshëm konstaton mangësitë në atentatin ndaj Tru...