Në mbledhjen e Qeverisë është miratuar shqyrtimi i propozim vendimit për ndihmë komunës së Preshevës në bazë të kërkesës së tyre.

Kryeministri i Kosovës, Ramush Haradinaj ka thënë se ndahen 112 mije euro nga rezervat për këtë komunë.

Ndahen 35 mijë euro për alpinisten Arineta Mula

Në mbledhjen e Qeverisë është miratuar shqyrtimi i kërkesës për ndarjen e mjeteve për znj.Arineta   Mula.

Kryeministri i Kosovës, Ramush Haradinaj ka thënë se Qeveria ndanë 35 mijë euro për përkrahjen e alpinistes Mula që përfaqëson Kosovën në majat më të larta në Rusi.

Po ashtu në mbledhjen e Qeverisë është miratuar shqyrtimi i kërkesës për ndarjen e mjeteve financiare për mbulimin e shpenzimeve shëndetësore të z.Gegë Ardit Gashi.

Kryeministri i Kosovës, Ramush Haradinaj ka thënë se Qeveria ndanë 22 mijë e 580 euro nga kategoria e shpenzimeve të rezervës.

Qytetarët që kanë punuar në Zvicër e Belgjikë tani kanë të drejtë të marrin pensionet në Kosovë

Në mbledhjen e Qeverisë është miratuar shqyrtimi i projektligjit për ratifikimin e marrëveshjes për sigurime sociale ndërmjet Kosovës dhe Zvicrës si dhe Kosovës e Belgjikës.

Ministri i Punës dhe Mirëqenies Sociale, Skënder Reçica ka thënë se me këtë marrëveshje Kosova krijon bazë të re ligjore në fushën e sigurimeve sociale.

“Me këtë marrëveshje përfshihen pensionet e moshës, familjare dhe pensionet invalidore të atyre qytetarëve që kanë punuar në Zvicër dhe Belgjikë por tani jetojnë në Kosovë”, ka thënë ai.

Miratohet projektligji për ratifikimin e traktatit që themelon komunitetin e transportit

Në mbledhjen e Qeverisë është miratuar shqyrtimi i projektligjit për ratifikimin e traktatit që themelon komunitetin e transportit.

Ministri i Infrastrukturës, Pal Lekaj ka thënë se ky traktat harmonizon legjislacionin në rajonin e Ballkanit me atë të Bashkimit Europian.

“Janë katër nene me të cilat zbatohet traktati. Me këtë ligj Republika e Kosovës rezervohet nga parimi i hartave të aneksit 1, Ish ministri Zharku dhe Hoxha kanë dërguar një shkresë që nuk e pranojnë kufirin administrativ me Serbinë”, ka thënë ai.

Miratohet Marrëveshja me Mbretërinë e Arabisë Saudite për rinancimin e ‘‘Projektit të qendrës mjekësore universitare’

Në mbledhjen e Qeverisë është miratuar shqyrtimi i nismës për negocimin e marrëveshjes së kredisë me Mbretërinë e Arabisë Saudite për financimin e ‘Projektit të qendrës mjekësore universitare’.

Zëvendësministri i Financave Fatmir Gashi ka thënë se ky projekt implementon reformë në sektorin e shëndetësisë.

“Ky projekt i paraparinë projektit që do të pajisë spitalet e QKUK-së me shtretër e mjete tjera emergjentë të nevojshme. Shuma totale është 17 milion euro si dhe 13. 2 milion euro”, ka thënë ai./Arbresh.info/