Google ADS

Mustafa: Votimi i PE, vetëdijesim i atyre që bllokuan për dy vite demarkacionin me Malin e Zi

14:05 | 13 Shtator 2018
V. S.

Ish kryeministri i Kosovës, Isa Mustafa ka mirëpritur vendimin e Parlamentit Evropian për votimin pro të liberalizimit të vizave për qytetarët e Kosovës.

Sipas tij, kjo është një fitore e përbashkët e institucioneve të BE-së e po ashtu vetëdijesim i atyre që kundërshtuan më shumë se dy vite ratifikimin e marrëveshjes për kufirin me Malin e zi, transmeton Indeksonline.

“Sot Parlamenti Evropian votoi që qytetarët e Kosovës t’i barazojë me qytetarët tjerë evropian, që edhe ata të lëvizin lirë në vendet e Shengenit. Është kjo fitore jonë e përbashkët, e institucioneve të BE-së, e përmbushjes së kritereve nga shteti i Kosovës dhe e vetëdijesimit të atyre që kundërshtuan më shumë se dy vite ratifikimin e marrëveshjes për kufirin me Malin e Zi.

Të shpresojmë por edhe të punojmë që edhe Këshilli I Ministrave të BE-së në të ardhmen e afërt të vendosë pozitivisht për liberalizimin e vizave. Këtë vendim e meritojnë qytetarët e Kosovës. IM”, ka shkruar Mustafa./Indeksonline/

Shpërndaje në rrjete sociale

Lajmet më të lexuara

Të ngjashme

Foto lajm