Ndërron jetë, astronauti i katërt që shkeli në Hënë!

11:13 | 27 Maj 2018
A. B.

Ish astronauti amerikan, Alan Bean, ka ndërruar jetë.

Njeriu që ishte i katërti që ka shkelur në Hënë ka vdekur në Texas në moshën 86 vjeçare, ka njoftuar familja, shkruan BBC.

Më vonë në jetë ai u bë një artist i suksesshëm, duke prodhuar vizatime që inspirim kishin hapësirën, përcjell Klan Kosova.

Familja e tij ka njoftuar se dy javë më parë është përkeqësuar dhe se më pas ka vdekur paqësisht në spitalin e Houston.

Astronauti, Mike Massimino e ka përshkruar Bean si “personi më i jashtëzakonshëm që kam takuar kurdo”.

Në vitin 1963 ish piloti i marinës së SHBA, ishte përzgjedhur për një trajnim të NASA.

Ai më pas dy herë ka qenë në hapësirë, e para në nëntori të viti 1969 kur me Apollo 12 kishin ateruar në Hënë dhe më 1973 kur kishte qenë drejtues i fluturimin Skylab në stacionin e parë amerikan të hapësirës.

Shpërndaje në rrjete sociale

Lajmet më të lexuara

Të ngjashme

Foto lajm