21 kilometrat që nuk përfundojnë prej një dekade

10:47 | 27 Maj 2018
A. B.

Prej thuajse 10 vitesh, në aksin kombëtar Lin-Pogradec vazhdon përpjekja për të ndërtuar 21 km rrugë.

Pavarësisht kësaj, atje asgjë nuk ka mbaruar. Aktualisht ka përfunduar shtrimi i asfaltit, pjesërisht korsia e biçikletave, ndërsa ende nuk ka sinjalistikë.

Herë pas here, ministra të ndryshëm kanë inspektuar punimet dhe kanë deklaruar një vit afat për përfundimin e tyre.

Punimet për ndërtimin e aksit Lin-Pogradec duhej të kishin përfunduar në muajin shkurt të këtij viti, por edhe ky sezon turistik do ta gjejë qytetin liqenor mes punimeve infrastrukturore, shkruan TCH.

Në këtë segment, prej kohësh po punohet për ndërtimin e tunelit panoramik, por ngërçi i radhës këtu do të sjellë tejzgjatje të punimeve.

Shembja e një pjese të kodrës së kalasë ka bërë që dherat të bien mbi pjesën ku ishte duke u kryer ndërhyrja, e për të disatën vit radhazi kjo rrugë mbetet e papërfunduar.

Shpërndaje në rrjete sociale

Lajmet më të lexuara

Të ngjashme

Foto lajm