Google ADS

Humb jetën një 32 vjeçare në një aksident në rrethrrotullim

23:38 | 25 Maj 2018
Arbresh.info

Si pasojë e një vetëaksidenti në rrugën nacionale Prishtinë- Mitrovicë, në rrethrrotullimin afër fshatit Mazgit, një person ka humbur jetën dhe tre të tjerë janë lënduar.

Komandanti i trafikut rajonal në Prishtinë Milaim Fejzullahu tha se aksidenti ka ndodhur rreth orës 22:30.

“Një 32 vjeçare ka humbur jetën në aksident dhe tre të tjerë janë lënduar dhe janë duke u trajtuar në QKUK”, tha Fejzullahu.

Ai tha se sipas informacioneve të para të lënduarit janë jashtë rrezikut për jetë.

Fejzullahu tha për KALLXO.com se deri tek aksidenti dyshohet të ketë ardhur për shkak të mospërshtatjes së shpejtësisë në rrethrrotullim.

Për rastin është njoftuar edhe prokurori.

Shpërndaje në rrjete sociale

Lajmet më të lexuara

Të ngjashme

Foto lajm