Inspektorati Komunal në bashkëpunim me Policinë e Kosovës në Ferizaj kanë konfiskuar dhe asgjësuar një sasi të madhe të nënprodukteve të mishit dhe qumështit, të cilat për shkak të mos përmbushjes së kushteve të transportit kanë rezultuar të prishura.
Përmes një njoftimi, nga komuna, thuhet se janë konfiskuar dhe asgjësuar është rreth 700 kilogramë që ishin gjetur në dy automjete transportuese.
Inspektorati Komunal, përkitazi me këtë rast, përveç konfiskimit dhe asgjësimit ka proceduar rastin në organet e drejtësisë, gjegjësisht në Gjykatën Themelore në Ferizaj.
Ridvan Berisha, koordinator i Inspektoratit Komunal, ka thënë se aksioni për kontrollin e cilësisë së mishit dhe produkteve tjera që ofrohen në treg po vazhdon me inspektime në baza ditore.
“Sasia e konfiskuar ka qenë e destinuar të shpërndahet në pika shitëse, gjegjësisht maketet e qytetit tonë. Presim që organet e drejtësisë të bëjnë punën e tyre në mbrojtje të shëndetit publik”, tha ai.
“Komuna e Ferizajt, gjegjësisht Inspektorati Komunal falënderon Policinë e Kosovës, përkatësisht Njësinë e Trafikut për bashkëpunimin në aksionin e sotëm dhe aksionet e mëhershme, bashkëpunim ky që ka rezultuar me parandalimin e shpërndarjes së sasive të mëdha të produkteve të prishura që cenojnë direkt shëndetin e qytetarëve”.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...