Partitë e koalicionit PDK-AAK-Nisma (PAN) pritet që shumë shpejtë të dërgojnë emrat e kandidatëve të tyre për anëtarë të Komisionit Qendror Zgjedhor (KQZ).
Shefi i Grupit Parlamentar të PDK-së, Memli Krasniqi ka thënë për Indeksonline se gjatë këtyre ditëve pritet dërgimi i emrave te presidenti, ani pse ata ende nuk janë caktuar.
Nëse PAN do të ketë vetëm dy anëtar në KQZ, atëherë njëri subjekt nga PAN do të mbetet pa anëtar në këtë komision.
“Do t`i dërgojmë emrat si koalicion gjatë këtyre ditëve”, ka thënë shkurt Krasniqi.
Detaje rreth kësaj çështje nuk kanë dhënë as anëtarët e Nismës Socialdemokrate.
Krejt çka ka deklaruar deputeti Enver Hoti është se partia e tij do ta kryejë obligimin e saj në kohë.
“Gjithçka që është brenda normave dhe rregullave që e kërkon detyrimi ynë ndaj KQZ-së, ne do ta bëjmë me kohë”, është shprehur ai për Indeksonline.
Lidhur me këtë çështje, Indeksonline ka tentuar të marrë edhe deklarimin e AAK-së, por zyrtarët e saj nuk janë përgjigjur.
Kujtojmë se anëtarëve të tashëm të KQZ-së u ka kaluar mandati. Ndërsa, deri më tani, partitë që ia kanë dorëzuar emrat e kandidatëve Zyrës së Presidentit, janë Vetëvendosje dhe LDK.
Presidenti izraelit: Sulmi me dron në shtëpinë e Netanyahut,...
“BMW-ja është e bërë prej peshkaqenit” – Gjesti befason me t...
PSG vazhdon si lider në Ligue 1, mposht bindshëm Strasbourgu...
Scholz: Britania kryeson projektin për t’i shitur Turqisë av...
Shkodër, 30-vjeçari plagos me thikë efektivin e policisë
Serbia shtyn për vitin tjetër gërmimet në varrezën e dyshuar...