Mavraj vazhdon karrierën në Arabinë Saudite

12:35 | 22 Maj 2018
Arbresh Info

Qendërmbrojtësi i Kombëtares së Shqipërisë, Mërgim Mavraj, pritet që karrierën të vazhdojë në elitën e futbollit të Arabisë Saudite.

Mediumet gjermane kanë raportuar se Mavraj është në negociata të avancuara me ekipin Al-Ettifaq dhe gjithçka pritet të zyrtarizohet gjatë këtij muaji.

Mavraj, 31-vjeçar, tek ekipi arab pritet të transferohet si lojtar i lirë, pasi ka kërkuar shkëputjen e kontratës me Hamburgun, e cila është e vlefshme deri në qershorin e vitit të ardhshëm.

Mavraj prej muajit mars nuk është pjesë e ekipit të parë të Hamburgut, pasi trajneri e ka vlerësuar të panevojshëm.

Nga ajo kohë ai ka stërvitur me ekipin e amatorëve.

Mavraj këtë edicion ka regjistruar 17 paraqitje në Bundesligë kurse te Hamburgu u transferua në janar të vitit të shkuar nga Koelni. Ai karrierë ka bërë edhe te Greuther Fuerthi, Bochumi e Darmstadti.

Mavraj ka edhe 38 paraqitje me Kombëtaren e Shqipërisë.

Shpërndaje në rrjete sociale

Lajmet më të lexuara

Të ngjashme

Foto lajm