Ajo është arrestuar teksa po kryente procedurat në një zyrë të gjendjes civile në Detroit më 26 prill, ndërsa burri i saj Pete Gojcaj ka thënë se ai duhej lajmëruar para se kjo gjë të ndodhte.

Shqiptarja Cile Precetaj, nën e tre fëmijëve të lindur në Amerikë, është deportuar për në Shqipëri, pa iu dhënë mundësia as të përshëndetet me familjarët.

Ajo është arrestuar teksa po kryente procedurat në një zyrë të gjendjes civile në Detroit më 26 prill, ndërsa burri i saj Pete Gojcaj ka thënë se ai duhej lajmëruar para se kjo gjë të ndodhte.

“Fëmijët janë të dërrmuar. Nuk po ndalojnë së qari. Janë të traumatizuar”, ka deklaruar ai, transmeton Klan Kosova.

Sipas tij, gruas nuk i është dhënë e drejta as të flasë me familjen, ndërsa ka marrë vesh se ajo është larguar nga vendi, vetëm kur ajo e ka thirrur në orët e hershme të mëngjesit nga Gjermania, nga ku do të çohej në Shqipëri.

Por, Khaalid Walls nga Zyra e Gjendjes Civile në Detroit ka thënë se familja është njoftuar se largimi i saj nga Shtetet e Bashkuara të Amerikës ishte programuar.

“Familja qe njoftuar se ajo do të largohej së shpejti, për ç’arsye ka dorëzuar bagazhet dhe gjësendet personale në zyrën tonë”, ka shtuar ai.

Sipas tij, Cile Precetaj ishte urdhëruar të lëshonte Amerikën në qershor të vitit 2005, por ajo e ka apeluar këtë vendim dhe deri më 2018 ka vazhduar të luftojë për të qëndruar, derisa ka shteruar të gjitha mundësitë ligjore.

Ajo ka aplikuar për azil në vitin 2000, duke pretenduar se kriminelë të rrezikshëm në Shqipëri donin ta kidnaponin dhe ta përdornin për prostitucion.

“Duan që njerëzit të luten për neve”, mësohet të ketë thënë për Free Press para deportimit.

“Ne s’kemi kryer asnjë krim. Kemi ardhur këtu për një jetë më të mirë. I lutem Zotit që gjërat të ecin siç duhet”.