Enea Ftoj, 27 vjeç një ditë më parë ndërroi jetë në ambientet e Komisariatit të Korçës por ndërsa policia njoftoi zyrtarisht se vdekja ishte për shkaqe natyrale familjarët e tij e kundërshtuan këtë fakt duke dëshmuar se ndaj tij ishte ushtruar dhunë.
Lajmin për vdekjen e tij familjarët e mësuan në ambientet e gjykatës ku do të zhvillohej seanca për vendosjen e masës së sigurisë ndaj 27-vjeçarit i cili akuzohej për vjedhje me dhunë.
Në familjen e të riut janë hapur dyert e mortit. Mes varfërisë dhe mjerimit Mimoza, nëna e 27-vjeçarit tregon se lajmin për vdekjen e djalit e mësoi në gjykatë.
“Vajtëm pardje, i shpumë cigare dhe bukë, vajtëm të dyja me nusen. Ata na thanë ik se po fle. Dolëm nga muri e thirrëm o Enea, dhe Enea hiç. Shkuam në gjykatë, pa prezencën e Eneas tha se ka ndërruar jetë në burgjet e policisë tha. Ikëm ne me vrap”, thotë ajo.
Babait të Eneas i cili do të rriëe tani dhe 3 vajzat jetime 10 muajshe, 4 dhe 5 vjeç të të birit kërkon drejtësi.
“Kush ma vrau këtë djalë mua. Ishte goditur, policia. Unë akuzoj policinë”, thotë babai i të ndjerit, Tomori.
Entela me të cilën ishte martuar 7 vite më parë kur ajo ishte ende e mitur, tregon për shenjat që pa në trupin e pajetë të bashkëshortit.
“I flisja nga muri, i thashë vetëm kaq, Enea pse të morën o Enea. Bëra një gabim Entel tha, e meritoj dënimin tha. Po të rrahur që më kanë bërë tha, më kanë bërë copë moj Entel tha.
Kush të bëri copë o Enea i thashë? Alqi me Kreshnikun tha. Unë i kam sjellë metadon i thashë, përse po ia bëni këto ilaçe? Kishte tre shenja gjilpëre në qafë, e kishte mavi, kurrizin mavi, pjesën e krahut të goditur komplet”,- thotë bashkëshortja e Eneas, Entela.
Për familjen Ftoj vdekja e Eneas i cili ishte më i madhi i tre fëmijëve kjo ngjarje nuk mund të kalojë në heshtje. Do të vazhdojnë ta ngrenë zërin derisa të fitojë drejtësia./TCH/
Drenusha vendos t’i “maltertojë” banorët e ngujuar në kafaz
Tash një muaj e zhdukur, policia kërkon ndihmë nga qytetarët...
Çeku: Mbrëmë u mbrojt shteti i Kosovës, racizmi nuk ka vend ...
“Arrestimi i personit të gabuar-veprim i kundërligjshëm arbi...
FFK: Racizmi dhe thirrjet anti-Kosovë në Rumani, sulm ndaj v...
Policia kërkon bashkëpunim nga qytetarët për identifikimin e...