Google ADS

Erdogan: OKB ka mbaruar, dështoi të veprojë mbi vrasjet në Gazë

15:33 | 17 Maj 2018
Arbresh.info

Presidenti turk Recep Tayyip Erdogan tha se Kombet e Bashkuara janë ‘shembur’ kur përballen me forcat izraelite të sigurisë, pas vrasjes së më shumë se 60 palestinezëve në Rripin e Gazës.

Duke folur në kryeqytetin turk, Ankara, Erdogan e përshkroi OKB-në si të “mbaruar”, për shkak të mungesës së përgjigjes ndaj përdorimit të vazhdueshëm të forcës vdekjeprurëse nga Izraeli, transmeton portali arbresh.info.

Të hënën, forcat izraelite vranë më shumë se 60 protestues palestinezë përgjatë rrethojës së Gazës me Izraelin, ndërsa dhjetëra mijëra njerëz u mblodhën si pjesë e Marshit të Madh të Kthimit dhe kundër hapjes së ambasadës amerikane në Jerusalem.

Më shumë se 2.700 të tjerë u plagosën kur ushtarët gjuanin municion të gjallë dhe gaz lotsjellës tek ata që ishin mbledhur.

Erdogan akuzoi Izraelin për “tirani” dhe tha se Turqia do të evakuojë të plagosurit nga Gaza, ku objektet spitalore thuhet se janë në një pikë të kolapsit./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm