Brutalitet i ashpër në Lisbonë, tifozët e Sportingut i sulmojnë fizikisht lojtarët

10:30 | 16 Maj 2018
Arbresh.info

Një çmenduri totale ka ndodhur në qendrën stërvitore të Sportingut të Lisbonës, ku rreth 50 tifozë ultras të skuadrës kanë sulmuar lojtarët dhe stafin teknik, teksa ishin duke kryer seancën stërvitore.

Të maskuar për të mos u njohur, ata kanë goditur me rripa e shkopinj, trajnerin Jorge Jesus dhe disa lojtarë të skuadrës.

Nga ky incident ka mbetur i plagosur edhe sulmuesi holandez Bas Dost, ndërsa plagë më të lehta kanë marrë lojtarë si Acuna, Rui Patricio, William Carvalho, Misic dhe Battaglia.

Reagimi i tifozëve ka ardhur pas humbjes së Sportingut 2-1 ndaj Maritimos, në javën e fundit të kampionatit, çka ka bërë që bardhejeshilët të mbeten jashtë Champions Leagues në edicionin e ardhshëm.

 

 

 

Shpërndaje në rrjete sociale

Lajmet më të lexuara

Të ngjashme

Foto lajm