Vendet anembanë Evropës duhet të bëjnë më shumë për të mbrojtur të drejtat e personave lezbike, homoseksualë, biseksualë, trans dhe interseks (LGBTI), sipas një indeksi të ri, që thotë se përparimet e ligjit dhe të politikave janë ngadalësuar në të gjithë rajonin.
Indeksi ‘Ylberi i Evropës’ është publikuar sot nga grupi ILGA-Europe, rëndit 49 shtete në rajon për ligjet dhe politikat e barabarta të komunitetit LGBTI, duke u dhënë atyre përqindje që nga 0 (shkelje e madhe të drejtave, diskriminim) dhe 100% (respekt për të drejtat e njeriut, barazi e plotë), transmeton portali arbresh.info.
Azerbajxhani shënoi shifrën më të keqe në renditjen e këtij viti, duke shënuar më pak se 5% mbi kriteret që matin politikat në fushat, duke përfshirë barazinë dhe mosdiskriminimin, njohjen ligjore gjinore, krimin e urrejtjes dhe hapësirën e shoqërisë civile.
Kurse Kosova e Shqipëria në këtë indeks janë para fqinjëve ballkanikë, madje janë renditur më lartë se Italia.
Shqipëria është në vendin e 25-të me 33.24% të respektimit të të drejtave të komunitetit, e pasuar nga Kosova me 32.98%./Arbresh.info/
Sigal Prishtina ia humb shkëlqimin Yllit, e mposht me 19 pik...
Shyhrete Behluli organizon koncert për 50 vjetorin e karrier...
Nesër fillon mësimi gjithë-ditor në shkollën “Xhemail Mustaf...
Për dy vite 251 ushtarë janë dorëhequr nga FSK-ja, Ministria...
E bukur si në përralla, Alba Vukaj shkëlqen në imazhet e fun...
E djathta ekstreme fiton zgjedhjet në Austri për herë të par...