Sipas gazetarit spanjoll Eduardo Inda, Neymar do të jetë në Real Madrid sezonin e ardhshëm.

Ylli i Paris Saint Germain është në krye të listës së shënjestrave te Real Madridi për transferim këtë verë, ndërkohë që presidenti Florentino Perez duket i vendosur për të shpenzuar një numër të madh të hollash, transmeton portali arbresh.info.

Pas një sezoni dëshpërues në La Liga, Zinedine Zidane është në dijeni që duhet të bëjë ndryshme madhështore në skuadër nëse dëshirojnë të rivalojnë Barcelonën për titull sezonin e ardhshëm. Andaj, Perez beson që kjo duhet të filloj duke përmirësuar linjën e tyre frontale.Madridi thuhet se është duke kërkuar nënshkrimin me Neymarin dhe yllin e Liverpoolit, Mohamed Salahn, për të zënë pozitën e Karim Benzemas dhe Gareth Bales pasi të dy lojtarët do të shkarkohen gjatë verës.

Gazetari Inda thekson se transferimi i Neymarit në Madrid është gati për të ndodhur, megjithëse një marrëveshje mund të mos jetë e lirë.

Ai beson se Madridi duhet të shpenzoj rreth 270 milionë euro, dukshëm më shumë se shifra prej 222 milionë që PSG i pagoi Barcelonës verën e kaluar, transmeton portali arbresh.info. Sidoqoftë, kampioni evropian është i gatshëm për të thyer bankën për brazilianin dhe Inda thotë se njoftimi për nënshkrimin e tij mund të ndodhë madje para fillimit të Kampionatit Botëror muajin e ardhshëm.

“Unë nuk them që Madridi do të nënshkruaj me Neymarin, unë them se Neymar pret një befasi në minutën e fundit dhe do të luaj në Real Madrid sezonin e ardhshëm”, ka thënë Inda.

“Ëndrra e Real Madridit është që në sulm të jetë Salah, Cristiano dhe Neymar. Braziliani madje  mund të jetë një lojtar i Madridit para Kampionatit Botëror”

“Neymar ka shijuar një sezon të mirë te Barcelona dhe do t’i kushtoj Madridit rreth 20 ose 25 për qind më shumë sesa shuma që Paris Saint Germaini pagoi për të verën e kaluar. Rreth 260-270 milionë euro, do të jetë afër 300 milionë euro”

Neymar vazhdon të ketë kontratë me kampionin në Liga 1 të vlefshme deri në vitin 2022./arbresh.info/