Pas pesë ditësh kërkime, sot është gjetur trupi i pajetë i policit, Malsor Dashi, që bashkë me kolegun e tij, Armend Trena u aksidentuan të shtunën mbrëma në magjistralen Kaçanik-Hani i Elezit dhe përfunduan në lumin Lepenc.
Deputeti i PDK-së, Nait Hasani, i ka shprehur ngushëllime familjarëve të policit të ndjerë.
Ai ka thënë se gjetja e trupit të pajetë të policit është një ngjarje e mirë, pasi është ngushëllim për familjen.
“Rasti i gjetjes është i mirë, kemi vullnet që njerëzit tanë të gjenden kudo që janë. Shpresa vdes e fundit, shpresat kanë qenë shumë të mëdha dhe është gjetur. Kjo tregon që edhe trupi i policit tjetër do të gjendet”, ka thënë ai.
Hasani në Info Magazine të Klan Kosovës ka thënë se institucionet përkatëse duhet të kenë përgjegjësi për kontrollin dhe mbikëqyrjen e trafikut rrugor ashtu sikur edhe kujdesi i shoferëve në komunikacion, sipas tij, duhet të rritet.
“Është e dhimbshme të humben jetët e njerëzve në aksident. Kur i shohim këto humbje në aksidente, e shohim se kemi një papërgjegjësi në komunikacion të shoferëve ose policëve që e mirëmbajnë”, është shprehur ai.
Fushata për Shtëpinë e Bardhë dhe retorika e ashpër politike
Osmani: Ka shumë potencial për rritjen e bashkëpunimit midis...
Gërvalla: BE-ja duhet të trajtojë sa më parë dhe me seriozit...
Vazhdojnë sulmet ajrore dhe kërcënimet Izrael-Hezbollah
City merr një lajm të tmerrshëm nga mesfushori Rodri
Protesta në Preshevë, Sinani: Betejat tona si shqiptarë do t...