Juve në bisedime të avancuara me Man Unitedin për Martialin

11:25 | 28 Prill 2018
Arbresh.info

Juventusi e Manchester Unitedi janë në bisedime për transferimin e Martialit në “Allianz Stadium”.

Sipas “Calciomercato.com” Juventusi është duke përshpejtuar bisedimet me Manchester Unitedin për transferimin e mundshëm të sulmuesit, Anthony Martial, që pritet t’i kushtojë 50 milionë euro, transmeton Gazeta Express.

Konkurrenti më i madh i “Djajve të Kuq” është Bayern Munich, teksa Manchester Unitedi ka caktuar tashmë çmimin, 50 milionë euro – 10 më pak se kur e bleu nga Monaco në vitin 2015.

Francezi ka dështuar të jetë titullar në “Old Trafford” këtë sezon, duke mos u preferuar nga Jose Mourinho.

Por, pavarësisht kësaj, 22 vjeçari ka qenë produktiv sa herë i është dhënë shansi, ai ka shënuar 11 gola dhe ka dhuruar 10 asiste në 42 paraqitje. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm