Pas disa orësh beteje me flakët, forcat zjarrfikëse të ndihmuara edhe nga ushtria, vunë nën kontroll zjarrin e fuqishëm që përfshiu fabrikën e riciklimit të mbetjeve në Kashar të Shqipërisë.
Më shumë se dhjetë makina zjarrfikëse nga Tirana, Vora dhe Durrësi, u angazhuan në operacionin e vështirë për shuarjen e flakëve.
Zjarri ishte i përmasave te mëdha dhe shumë i fuqishëm për shkak se magazinat kishin materiale plastike.
Në fabrikë u dëgjuan herë pas here edhe shpërthime të vogla.
Drejtori i shërbimit zjarrfikës Shkelqim Goxhaj tha se vetëm pas hetimit do të mësohet se në ç’nivel ishin masat e marra në këtë fabrikë.
Përfaqësues të kompanisë u shprehën jashtë kamerës se zjarrfikësit mbërritën me vonesë.
Por krerë të këtij shërbimi thanë se në fabrikë nuk funksionoi sistemi i alarmit.
Pas marrjes së informacionit menjëherë në vendngjarje u nisën makinat e para zjarrfikëse, përcjell rtv21.tv.
Punonjësit e fabrikës nuk e fshehën tronditjen.
Vendet e tyre të punës u janë shkrumbuar me shpejtësi para syve dhe nuk dinë se çdo të bëjnë në ditët në vijim.
Nga zjarri i rënë nuk pati të lënduar në njerëz pasi e diela ishte ditë pushimi.
Edhe një vit më parë, kompania “Everest” është përfshirë nga zjarri po jo në këto përmasa.
Madje ajo është gjobitur për mungesë të masave kundra zjarrit./21Media
Zelensky: SHBA-ja dhe Britania s’lejojnë përdorimin e raketa...
Osmani ndan tjera fotografi nga pritja në West Point: Falemi...
KFOR-i: Situata në terren është e qetë, por mbetet e brishtë
Policia Bashkiake e Tiranës certifikohet nga kompania e njoh...
Fero fiton kujdestarinë e vajzës së tij për një vit
Fillojnë trajnimet për noterët e rinj, Haxhiu iu uron sukses...