Google ADS

Conte lavdëron Chelsean pas fitores së rëndësishme kundër Burnleyt

23:35 | 19 Prill 2018
Arbresh Info

Antonio Conte ka lavdëruar Chelsean për “shpirtin fantastik” të shfaqur kundër Burnelyt mbrëmjen e sotme (e enjte).

Autogoli nga Kevin Long i dha epërsinë në minutën e 20′ Bluve, por Ashley Barnes barazoi shifrat në pjesën e dytë të ndeshjes, transmeton portali arbresh.info. Megjithatë, Vicor Moses realizoi golin e fitores në minutën e 69′ duke mbajtur të gjalla shpresat për top katërshe.

“Ne kemi luajtur një ndeshje të mirë kundër një skuadre të vështirë sepse nuk është lehtë të luash kundër Burnleyt”, ka thënë Conte për ‘BBC Sport’.

“Ne kemi luajtur shumë shumë mirë dhe me dy sulmues gjërat funksionuan mirë. Ata luajnë një ndeshje fantastike me dhe pa top. E gjithë skuadra luajti një lojë intensive. Ne e merituam fitoren”

“E pash një shpirt fantastik sonte. Ne duhet të vazhdojmë kështu”

Chelsea, i cili është në ndjekje të Tottenhamit në pozitën e katër, tani i është afruar me pesë pikë pozitës për Ligë të Kampionëve./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm