Pep Guardiola ka insistuar se më vështirë është ta fitosh Premierligën angleze sesa Ligën e Kampionëve, pasi Manchester City bëri edhe një hap tjetër shumë të rëndësishëm drejt fitimit të titullit pas një triumfi mbresëlënës 3-1 ndaj Tottenhamit në “Wambley” të shtunën mbrëma.
Cityt i duhen vetëm edhe tri pikë nga pesë ndeshjet e mbetura për ta fituar titullin dhe mund ta bëjë këtë të dielën e ardhshme kur Swansea City e viziton “Etihadin”, edhe pse gara për titull do të marrë fund nëse Manchester Unitedi humb në shtëpi kundër West Bromit sot, apo ndaj Bournemouthit të mërkurën, transmeton Gazeta Express.
Guardiola ka argumentuar se fitimi i titullit do të ishte shumë më shumë se thjesht kompensim për eliminimin në çerekfinale të Ligës së Kampionëve kundër Liverpoolit.
“Nuk mund ta parafytyroni. Ne dhe skuadrat tjera luajmë çdo tri ditë. Kjo është gjëja më e vështirë. Në Ligën e Kampionëve luan shtatë ndeshje dhe, një ndeshje e keqe, je jashtë gare. Në ligë duhet të jesh aty në çdo ndeshje”, ka thënë trajneri spanjoll. /Gazeta Express/
Rama: Unaza e Madhe e Tiranës gati në fund të këtij viti
Haradinaj kujton mjekun e UÇK-së: E deshte Atdheun dhe u fli...
Vazhdon periudha për ndërrimin e Qendrës së Votimit brenda k...
Mediat zvicerane e konfirmojnë: Amir Saipi ka vendosur që ta...
Shtyhet mbledhja e Kryesisë së Kuvendit
Me foto mes kanabisit, Salianji apel nga qelia për pjesëmarr...