Plagosja në Fier, policia jep detaje për ngjarjen

23:51 | 14 Prill 2018
Trina Galanxhi

Policia e Fierit ka dhënë detajet e para lidhur me ngjarjen e ndodhur mbrëmjen e kësaj të shtune, ku mbeti një person i plagosur.

Siç bëhet me dije rreth orës 21:25 në afërsi të Prefekturës është plagosur me armë zjarri A.J, 32 vjeç, banues në Fier.

Paraprakisht dyshohet se shtetasi i plagosur dhe autori janë konfliktuar në një pikë basti.

I plagosuri është dërguar në spitalin Rajonal Fier ku ndodhet nën kujdesin e mjekëve, ndërsa policia ka shoqëruar disa persona për tu marrë në pyetje në lidhje me ngjarjen.

Grupi hetimor po punon për zbardhjen e rrethanave të ngjarjes, identifikimin dhe kapjen e autorit.

Shpërndaje në rrjete sociale

Lajmet më të lexuara

Të ngjashme

Foto lajm