Versioni i sistemit operativ Windows 10 për Desktop tashmë ka debutuar që dy ditë, por versioni i fundit nga Microsoft ende nuk ka marrë rrugën për pajisjet telefonike. Përveç kësaj, ne ende nuk kemi ndonjë datë të caktuar zyrtarisht se kur Windows 10 Mobile do debutohet, ndonëse thashethemet e fundit tregojnë se muaji nëntor do jetë data e lansimit për këtë sistem.

Megjithatë, gjiganti Microsoft ka zbuluar se cilat pajisje të brendit Lumia do jenë në gjendje të përditësohen në Windows 10 së pari, shkruan arbresh.info. Pra, në rast se keni një telefon Lumia 430, Lumia 435, Lumia 532, Lumia 535, Lumia 540, Lumia 640, Lumia 640 XL, Lumia 735, Lumia 830, apo Lumia 930, ju do të jeni në gjendje të përditësoheni të parët në planet me versionin final të platformës Windows 10 Mobile.

Në rast se keni një brend tjetër dhe jo Lumia, atëherë mos keni frikë. Microsoft ka konfirmuar që jo vetëm brendi i telefonave Lumia do të përditësohen më Windows 10. Gjiganti ka premtuar që të gjithë telefonat që përdorin platformën Windows Phone 8.1 apo Denim do të përditësohen në Windows 10./arbresh.info