Me moton : Rreth një dekadë pas krizës – Drejt ciklit të ri global dhe normalizimit të politikës monetare, po zhvillon punimet Konferenca e 7-të Vjetore e Hulumtimit të organizuar nga Banka Popullore e Maqedonisë, transmeton arbresh.info.
Në këtë Konferencë po marrin pjesë përfaqësues nga institucionet e politikëbërjes dhe bota akademike, me qëllim të vetëm që të mundësojnë një terren për një debat mbi çështjet relevante ekonomike. Ndërkohë në Panelin e Guvernatorëve në cilësinë e folësve po marrin pjesë përveç Guvernatorit Fehmi Mehmeti edhe Guvernatorët e Regjionit si : Maqedonia, Kroacia, Shqipëria si dhe Guvernatori i Bankës së Belgjikës.
Ndër pjesëmarrës janë edhe zyrtarë të lartë të Bankës së Sllovenisë, Polonisë, Çekisë pastaj të institucioneve financiare si; FMN, BERZH dhe nga JVI.
Kjo Konferencë organizohet tashmë tradicionalisht për të shënuar përvjetorin e pavarësisë monetare të vendit.
Tema e këtij viti në këtë Konferencë nxjerr në pah nevojën për të siguruar një përmbledhje të mësimeve që kanë dalë nga kriza si dhe për të përshkruar pasojat dhe nevojat e mundshme për ridizajnimin e politikave dhe për t’i adresuar ato në mënyrë adekuate në mjediset e ndryshme. Punimet e kësaj Konference po zhvillohen në Ohër të Republikës së Maqedonisë./arbresh.info/
Dita Ndërkombëtare e të Moshuarve, Begaj: Ju meritoni trajti...
Kosova mëson orarin e ndeshjeve të Kampionatit Botëror në eS...
Ish-presidenti amerikan Jimmy Carter mbushi 100 vjeç
SBASHK-u: Ministri Murati të gjejë mundësi ligjore, pagat të...
“Gratë kanë mundësi për diagnostikim dhe trajtim të pl...
Ministria e Mbrojtjes thotë se ushqimi i FSK-së mbetet i një...