Erdogan: Jam i shqetësuar nga “matja e forcës” mbi Sirinë

21:16 | 12 Prill 2018
Trina Galanxhi

Presidenti turk Recep Tayyip Erdogan ka deklaruar se Turqia është e shqetësuar nga “matja e forcës” mbi Sirinë, duke shtuar se ai do të bisedojë me Presidentin rus Vladimir Putin mbi ndalimin e sulmeve kimike.

“Ne jemi shumë të shqetësuar sepse disa vende që ngjajnë të bindura në forcën e tyre, janë duke e kthyer Sirinë në një arenë për shfaqjen e forcës”, tha Erdogan gjatë një fjalimi në Ankara, në mes të tensioneve mes Rusisë dhe SHBA-ve, transmeton portali arbresh.info

Erdogan ka shtuar se ai do të bisedojë me Presidentin rus, Vladimir Putin mbi mënyrën se si “të ndalohen sulmet kimike”, pasi dyshohet se regjimi i Bashar al-Assad ka kryer sulm kimin në Douma, ku mbetën të vdekur 70 persona.

Ankaraja po mban qëndrim të distancuar në tensionet që kanë shpërthyer mes Rusisë dhe SHBA-ve, të cilat konsiderohen si më të këqijat që nga Lufta e Ftohtë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm