Google ADS

Shqipëri – Bjellorusi, ndeshja mbyllet me ketë rezultat

18:46 | 10 Prill 2018
Arbresh.info

Kombëtarja shqiptare e futbollit për femra mori fitoren e parë në eliminatoret e Kampionatit Botëror 2019, pas një ndeshjeje të luftuar ndaj Bjellorusisë që u mbyll 1-0.

Seleksioni i vajzave kuqezi të trajnerit Armir Grima, dominoi ndaj rivaleve dhe goditi shtyllën dhe traversën, por arriti të shënojë golin e vetëm 3 minuta nga fundi.

Në zhvillimet e një goditjeje këndi, Luçie Gjini finalizoi në portën e bjelloruseve, pas një rrëmuje në zonë. Me këtë fitore, Shqipëria e femrave shkon në kuotën e 4 pikëve në grupin e 2, gjithsesi pa shanse kualifikimi pasi është shumë larg kreut që sjell një biletë direkte.

Aktualisht vajzat kuqezi kanë zhvilluar 7 ndeshje në eliminatoret e Kampionatit Botëror që zhvillohet vitin e ardhshëm.

 

Shpërndaje në rrjete sociale

Lajmet më të lexuara

Të ngjashme

Foto lajm