Paris Saint-Germain besohet se ka arritur marrëveshje me trajnerin gjerman, Thomas Thuchel, për ta marrë drejtimin e skuadrës franceze.

Sipas mediave gjermane, Tuchel ka nënshkruar kontratën me gjignatin francez dhe do të filloj punën në këtë verë.

Ish trajneri i Mainz, ka qenë i pa punë që nga largimi i tij nga Borussia Dortmundi, edhe pse kishte fituar kupën e Gjermanisë “DFB Pokal”, në sezonin 2016/17, ai ndau rrugët me klubin gjerman, transmeton arbresh.info.

Tuchel ishte një nga favoritët për t’u bërë trajner i Bayern Munich, si zëvendësues i Yupp Heynckes, por sipas disa raportimeve ai ka refuzuar gjigantin bavarez.

Spekulohej se ai ishte në kërkim edhe nga Arsenali dhe Chelsea, por tashmë këto kanë përfunduar, pasi ai ka nënshkruar kontratë dy vjeçare me klubin francez, sipas Sportbuzzer.

“Sportbuzzer” raporton se Tuchel do ta zëvendësoj trajnerin spanjoll, Unay Emery, i cili do të largohet në fund të këtij sezoni.

https://twitter.com/SPORTBILD/status/983318341812195328?ref_src=twsrc%5Etfw&ref_url=http%3A%2F%2Fwww.sportbible.com%2Ffootball%2Fnews-thomas-tuchel-reportedly-signs-a-deal-to-become-psg-boss-20180409&tfw_site=sportbible

https://twitter.com/swearimnotpaul/status/983324218371792896?ref_src=twsrc%5Etfw&ref_url=http%3A%2F%2Fwww.sportbible.com%2Ffootball%2Fnews-thomas-tuchel-reportedly-signs-a-deal-to-become-psg-boss-20180409&tfw_site=sportbible

Emery edhe në këtë vit dështoi të ketë sukses në Ligën e Kampionëve, trofe ky i kërkuar me ngulm nga pronari i klubit dhe tifozët.

Presidenti i klubit, Nasser Al – Khelaifi, bëri gjithçka që këtë sezon klubi i tij të ketë sukses në arenën ndërkombëtare, duke transferuar Neymar JR nga Barcelona, për shumën rekorde 222 milionë euro, si dhe talentin francez, Kylian Mbappe nga Monaco për 198 milionë euro.

Megjithatë, as këto dy super transferime nuk i mjaftuan trajnerit spanjoll, pasi që PSG u eliminua nga kampionët aktual të Ligës së Kampionëve, Real Madrid, në fazën e eliminimit direkt.

Por, Unay Emery do të largohet me fitimin e titullit të League 1, të cilin tashmë po thuajse e ka siguruar.

Emery para se të emërohej trajneri i PSG, ishte trajner i Sevillas dhe Spartk Moska. /arbresh.info/