Kuksianët : Protesta derisa të hiqen totalisht taksat

10:45 | 6 Prill 2018
Arbresh.info

Kuksianët paralajmërojnë se nuk do t’i ndalin protestat, nëse nuk i hiqet taksa e rrugës së Kombit.

Kështu, ata rrëzojnë “ofertën” e kryeministrit Edi Rama, i cili mbrëmë në “Opinion” tha se po negociohet që të ketë tarifë të reduktuar për banorët e zonës, që preken nga taksa e cila paguhet në sportelet e ngritura pranë tunelit të Kalimashit.

Derisa të përcaktohet kjo tarifë – tha Rama – asnjë qytetar që kalon në Rrugën e Kombit, nuk do të paguajë.

Por taksa për një kalim automjeti është 5 euro, dhe për një rrugë vajtje-ardhje 10 euro, vlerë të cilën kuksianët jo vetëm që e kanë refuzuar duke mbajtur protesta, por thonë se nuk do të pranojnë asnjë negociatë derisa në heqjen e taksës për ta. Këshilli Bashkiak i Kukësit, i cili mbështeti protestën e 31 marsit që kuksianët mbajtën pranë tunelit, që çoi në djegien e sporteleve të koncensionarit, thotë se nuk do të ndalen protestat, nëse tarifa nuk zërohet./Express

 

Shpërndaje në rrjete sociale

Lajmet më të lexuara

Të ngjashme

Foto lajm