Liverpooli përfundon gjithçka në takimin e parë ndaj Man Cityt

22:52 | 4 Prill 2018
Arbresh Info

Me një fitore të thellë prej 3 me 0 në Anfield, Liverpooli thuajse i ka dhënë fund shpresave të Manchester Cityt në UEFA Ligë të Kampionëve.

“Redsat” kanë siguruar një fitore bindëse në takimin e parë të ndeshjeve çerekfinale në kuadër të Ligës së Kampionëve kundër rivalit në Premierë Ligë duke realizuar tri gola brenda një hapësira prej 19 minutave, transmeton portali arbresh.info.
Mohamed Salah, i cili nuk arriti ta përfundoj ndeshjen për shkak të lëndimit, realizoi golin e epërsisë për 1 me 0 pas vetëm 12 minutave lojë. Alex Oxlade Chamberlain dyfishoi rezultatin për 2 me 0 me një super goditje nga distanca para se Sadio Mane të shënonte me kokë në minutën e 31′ të ndeshjes.

Me këtë fitore, Jurgen Klopp është trajneri që ka mposhtur më së shumti Pep Guardiolas – gjashtë herë, se çdo rival tjetër.

Takimi kthyes zhvillohet të martën e javës së ardhshme në Etihad./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm