Google ADS

Zidane: Ronaldo dallon nga lojtarët tjerë

00:07 | 4 Prill 2018
Trina Galanxhi

Zinedine Zidane ka thënë se Juventusi e vuri nën presion Real Madridin, por skuadra e tij u tregua më efektive dhe Cristiano Ronaldo dallon nga lojtarët tjerë.

Mbretërit e pushtuan fushën e Allianz Juventus Stadium duke fituar me rezultat 3-0 dhe duke iu afruar gjysmëfinales së Ligës së Kampionëve.

Ishte pritur një hakmarrje e Zonjës së Vjetër pas humbjes në finalen e kaluar (4-1), mirëpo bardhezinjtë u treguan të pafuqishëm përballë Los Blancos.

“Nuk është lehtë t’ia shënosh tre gola Juves në fushën e vet. Bëmë një paraqitje të shkëlqyer, por Juve luajti po ashtu mirë, na vuri nën presion dhe pati rastet e veta për të shënuar, mirëpo ne ishim më efektivë”.

“Natyrisht se Juventusi nuk është i kënaqur me rezultatin e sotëm (e martë), por unë do ta kem gjithmonë Juven në zemrën time”, ka thënë Zidane për Mediaset Premium./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm