Arratisje spektakolare në Kolumbi, bëjnë tapë gardianin

00:42 | 3 Prill 2018
Trina Galanxhi

Dy të burgosur ia mbathën nga një burg në kryeqytetin kolumbian, Bogotà, pasi dehën gardianin.

Ngjarja bëri mjaft bujë në Kolumbi, pasi u mor vesh se të burgosurit i thanë rojes tashmë të dehur se do të shkonin të blinin më shumë pije alkoolike, e ai me kënaqësi i hapi derën e burgut.

Sigurisht që dy të burgosurit nuk u kthyen më dhe policia ka nisur kërkimet për ta.

Dy të arratisurit u identifikuan si Jhon Gutiérrez Rincón, një rebel i FARC-ut i dënuar me 40 vite burg, dhe Olmedo Vargas, po ashtu ish-rebel dhe në pritje të gjyqit për vjedhje.

Autoritetet kolumbiane thanë se, pas mungesës në apel të të dy të burgosurve nisën hetimet dhe zbuluan se në qelinë e tyre nuk kishte asnjë shenjë thyerjeje, diçka që tregon se kishin një bashkëpunëtor në burg.

Gardiani që mbante era akool dukej një i dyshuar perfekt, sidomos pasi refuzoi testin për të verifikuar sa kishte pirë. Më pas, roja pranoi fajin, por kjo sidoqoftë nuk ndihmoi në kapjen e dy të arratisurve, që të paktën duhen vlerësuar për planin origjinal./tch/

Shpërndaje në rrjete sociale

Lajmet më të lexuara

Të ngjashme

Foto lajm