Zyrtari i lartë turk refuzon takimin me Haradinajn

21:28 | 2 Prill 2018
Arbresh.info

Kryetari i Odës së Avokatëve të Turqisë, Metin Feyzioglu, me ftesën e homologut të tij kosovar, Osman Havolli, ka zhvilluar disa takime në Kosovë të premten, por ai nuk është takuar me kryeministrin Ramush Haradinaj.
Në një intervistë për mediat turke, Feyzioglu ka thënë se ai e ka anuluar takimin me Haradinajn pas përplasjeve të tij me presidentin turk, Recep Tayyip Erdogan.

“Qeveria e Turqisë akuzohej atje [në Kosovë] për kidnapim të kundërshtarëve politik. Kështu që ne duhet të bëjmë diplomaci publike atje”, ka thënë Feyzioglu.

Feyzioglu është takuar të premtën me homologun e tij kosovar Osman Havollin, me të cilën doli në një konferencë për media. /Insajderi

Shpërndaje në rrjete sociale

Lajmet më të lexuara

Të ngjashme

Foto lajm