Qeveria mund të funksionojë edhe pa Listën Serbe

10:27 | 31 Mars 2018
V. S.

Analisti politik Shkëlzen Maliqi ka thënë se, edhe pas largimit të Listës Serbe, Qeveria mund të funksionojë si e ashtuquajtur Qeveri e pakicës.

Ai ka theksuar se largimi i Listës Serbe ka qenë i pritur meqë nuk ka pajtueshmëri për asnjë çështje vitale mes saj dhe pjesës tjetër të Qeverisë Haradinaj.

Në një intervistë dhen  gazetës “Epoka e re”, Maliqi ka vlerësuar se pa Listën Serbe  Qeveria është në hall, por nuk do të thotë se rrëzohet menjëherë.

Sipas tij, Qeveria mund të mbetet në pushtet duke kërkuar përkrahjen e 10 deputetëve të opozitës për çdo vendim.

Maliqi në këtë intervistë ka folur edhe për deportimin e gjashtë shtetasve turq nga Kosova, duke thënë se krerët e shtetit për këtë rast është dashur të japin dorëheqje kur u deklaruan se “nuk e kanë ditur se çfarë ka ndodhur”./ Epoka e re/

Shpërndaje në rrjete sociale

Lajmet më të lexuara

Të ngjashme

Foto lajm