Hoti: Kërkoj të ulemi të caktojmë datën e zgjedhjeve, ngjarjet e djeshit e sjellin vendin para kolapsit

10:44 | 30 Mars 2018
Arbresh.info

Shefi i grupit parlamentar të LDK-së, Avdullah Hoti ka thënë se lidhur me arrestimin e shtetasëve turq është e qartë se nuk janë respektuar procedurat ligjore për depërtimin e tyre.

“Ne si grup parlamentar nuk pajtohemi me këtë situat, kërkojmë përgjegjësi institucionale për struktutrën komanduese. Kryeministri i vendit nuk ka kontroll mbi qeverinë, mbi policinë. Është e qartë që Presidenti i vendit ka tejkaluar kompetencat e tij. Do të kërkojmë dorëheqjen e kryeministrit sepse shkarkimi i ministrit të brendshëm nuk është i mjaftueshëm”, ka thënë ai.

Sipas Hotit kjo është skandaloze për shtetin e Kosovës.

“Nga sot institucionet e vendit hyjnë në një situatë të re. Ne duhet të ulemi të dakordohemi për datën e zgjedhjeve, rrugë tjetër nuk ka. Kjo e sjell vendin para kolapsit, nuk është pritur”, ka thënë ai.

Shpërndaje në rrjete sociale

Lajmet më të lexuara

Të ngjashme

Foto lajm