Tare vlerësohet si drejtori sportiv më i mirë në Itali, por thotë se nuk ka ofertë nga Interi

13:24 | 29 Mars 2018
Arbresh Info

Igli Tare po vazhdon me suksese në elitën e futbollit italian.

Së fundmi shqiptari ka marrë çmimin si drejtori sportiv i vitit në Itali nga televizioni prestigjioz ‘Sport Italia’.

Tare ka marrë këtë çmim falë punës së mrekullueshme që ka bërë me Lazion dhe lojtarët e transferuar në klub.

Ish-sulmuesi i Shqipërisë ka transferuar futbollistë me çmim të ulet duke i rritur vlerën atyre për shumë fish.

Por duket se e ardhmja e Tares do të jetë te Lazio pasi ai këtë e ka konfirmuar në emision.

Në pyetjen se nëse do t’i bashkohet Interit, Tare ka thënë se nuk ka ofertë nga ‘Neroazzurrët’.

“Unë te Interi në vend të Pierro Ausillios? Nuk punojë asnjëherë me ‘nëse’ ose ‘por’”, deklaroi fillimisht Tare.

“Për momentin jam shumë mirë te Lazio dhe nuk kam aktualisht ndonjë propozim që duhet ta vlerësoj”, ka deklaruar Tare.

Shpërndaje në rrjete sociale

Lajmet më të lexuara

Të ngjashme

Foto lajm