Google ADS

Revista Playboy mbyll llogarinë në Facebook

00:59 | 29 Mars 2018
Trina Galanxhi

Playboy ka njoftuar zyrtarisht se ka mbyllur llogarinë e saj zyrtare në Facebook. Ky vendim i revistës lifestyle për meshkuj vjen pas skandalit të privatësisë që ka përfshirë gjigandin Facebook së fundmi.

Me 25 milionë ndjekës në këtë rrjet social, Playboy i është bashkuar nismën globale për të mbyllur llogarinë në Facebook.

“Lajmet e kohëve të fundit rreth keqadministrimit të dyshuar të të dhënave të përdoruesve në Facebook, kanë forcuar vendimin tonë për të pezulluar aktivitetin në këtë platformë për momentin”, – njofton Playboy.

Kompania thotë gjithashtu se nuk dëshiron të jetë përgjegjëse për ndonjë shkelje të mundshme të privatësisë së 25 milionë fansave të saj në faqe të ndryshme të Playboy në Facebook.

Ndërkohë, në Shtetet e Bashkuara të Amerikës ka nisur një hetim nga Komisioni Federal Amerikan i Tregtisë lidhur me praktikat e kontrollit të privatësisë nga Facebook.

Shpërndaje në rrjete sociale

Lajmet më të lexuara

Të ngjashme

Foto lajm