“Ai, profesori e vuri CD-në në DVD dhe në një moment mu afrua nga prapa dhe më mbështolli me krahët e tij. Po, shumë e shqetësuar, të rrahura e zemrës mu përshpejtuan, frymëmarrja po më zihej, po reagova, e shtyra nga prapa dhe i thash largohu, ai u shtang si mund ta refuzoja. E frikësuar nuk kisha nga t’ia mbaja”.
Këto fjalë i tha sot para rektoratit të UP-së ish-studentja e Fakultetit të Arteve, Jeta Berisha e cila ka deklaruar publikisht se është ngacmuar seksualisht nga profesori i saj, raporton Arbresh.info.
Berisha tha se ky profesor nuk u ndëshkua asnjëherë për veprimet e tij karshi saj.
“Para dy vitesh sa ish studente në fakultetin e Arteve jam ngacmuar seksualisht nga një profesion i cili ende vazhdon ta ushtroj profesionin e tij. Asnjëherë nuk është ndëshkuar për veprën karshi meje. Po fustan të gjatë ndër gjunj, dhe atlete. Atë ditë profesori më ftoi në zyrën e tij për një CD, një film, pasi kisha për t’ia bërë një analizë si detyrë në një lëndë tjetër. Pasi mbritja në zyrën e tij në katin e tretë, ai e mbylli derën me çelës me justifikimin se po na pengonin studentët e tjerë. Më tha prit sa të provoj CD-në për ta parë nëse ishte e duhura. Ai, profesori e vuri CD-në në DVD dhe në një moment mu afrua nga prapa dhe më mbështolli me krahët e tij. Po shumë e shqetësuar, të rrahura e zemrës mu përshpejtuan, frymëmarrja po më zihej, po reagova, e shtyra nga prapa dhe i thash largohu, ai u shtang si mund ta refuzoja, e frikësuar nuk kisha nga t’ia mbaja. Në ato momente panike gjithçka më sillej në kokë. Ju ktheva sërish me zë të ngritur ‘hape derën’, njëherësh ‘mos mu afro’. Fatmirësisht e hapa derën ja qëllova. Kisha orë mësimore nuk e mbajta atë ditë, as një ditë pas, as pas një jave e as pas dy jave. Profesorët tjerë u shqetësuan për mospjesëmarrjen e tij sepse isha studente e rregullt…”, ka rrëfyer Berisha gjatë aksionit simbolik të studentëve të Universitetit të Prishtinës kundër ngacmimeve seksuale në UP, që e zhvilluan para rektoratit të UP-së.
Ndërkaq, Alban Retkoceri, student tha se kanë dalë për të shpallur indinjimin me universitetin karshi ngacmimeve seksuale.
“Në vend se UP-ja të marr masa, ky institucion që do të duhej të ishte prijës i ndryshimeve në shoqërinë tonë po vjen me mbrojte të këtyre dukurive. Ngacmimet seksuale ndodhin përditë, kudo në hapësirat e universitetit, jo vetëm nga studentë por edhe nga profesorë e asistentë”, ka thënë Retkoceri.
Në fund të aksionit, studentët hodhën në shenjë proteste kodin e veshjes para rektoratit të UP-së./Arbresh.info
https://www.facebook.com/arbresh.info/videos/1738559712875780/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite