Google ADS

Ish-presidenti serb: Asociacioni nuk mund të formohet jashtë sistemit ligjor të Kosovës

10:30 | 28 Mars 2018
Arbresh.info

Kryetari i Partisë Social Demokratike (SDS), Boris Tadiq, përmes një letre publike ka thënë se arrestimi i Marko Gjuriqit në Mitrovicë të kujton skena të një teatri.

Dhe sipas ish-presidentit të Serbisë, shkruajnë mediat serbe, përcjell Telegrafi, drejtori i Zyrës për Kosovën Marko Gjuriq dhe përfaqësuesit e Listës Serbe vullnetarisht morën rolin në këtë “shfaqje teatri”.

Madje, sipas tij, “edhe Thaçi dhe Haradinaj dhanë kontributin e tyre në përdorimin e tepruar të forcës nga forcat e policisë”.

Boris Tadiq ka folur edhe rreth paralajmërimit të formimit të Asociacionit të Komunave Serbe nga përfaqësues të Listës Serbe.

Një iniciativë të tillë ai e ka quajtur “fyerje të mendjes së shëndoshë të çdo mendimtari”.

Kjo pasi që siç ka shpjeguar ai, “me nënshkrimin e Marrëveshjes së Brukselit është miratuar ‘sistemi ligjor i një Kosove të pavarur në tërë territorin’ dhe se një komunitet i tillë ‘nuk është i mundur jashtë këtij sistemi ligjor’”.

Shpërndaje në rrjete sociale

Lajmet më të lexuara

Të ngjashme

Foto lajm