Krimet e Rënda i kalojnë “Kokainën” Durrësit: Çështja, jo si grup i strukturuar kriminal

11:58 | 27 Mars 2018
Arbresh.info

Prokuroria e Krimeve të Rënda ka shpallur moskompetencën për hetimin e dosjes për 613 kilogramë kokainë që u gjetën në një kontenier, rreth një muaj më parë.

Hetimi i dosjes do të vijojë tashmë në Prokurorinë e Durrësit. Prokuroria e Krimeve të Rënda ka argumentuar vendimin për moskompetencën me ndryshimet e fundit ligjore, por edhe me faktin se çështja është regjistruar thjesht si trafik narkotikësh dhe jo si hetim për ndonjë grup të organizuar kriminal.

613 kg kokainë u gjetën të fshehura në një kontenier bananesh të importuara në Kolumbi. Droga e një cilësie tepër të lartë u nis nga Kolumbia dhe kaloi në disa shtete derisa mbërriti në Portin e Durrësit. Gjatë operacionit, në pranga u vu shoferi i kamionit që transportoi kontenierin ku ishte fshehur droga, Armando Pezaku si dhe menaxheri i kompanisë së bananeve, Donaldo Lushaj.

Ndërkohë që është shpallur në kërkim ndërkombëtar Arbër Çekaj, pronari i kompanisë që kishte porositur bananet në Kolumbi./Top Channel

Shpërndaje në rrjete sociale

Lajmet më të lexuara

Të ngjashme

Foto lajm