Drama pas arrestimit të Marko Djuric’it po vazhdon akoma, ndonëse nga ajo ngjarje kanë kaluar gati 6 orë.
Në këto momente është ndërprerë komunicionin në magjistralen që dërgon për në kufirin më verior, Jarinje, shkruan gazetametro.net.
Rruga është bllokuar në vendin e njohur si Rudare në Zvecan, në pjesën e rrugës te “Kryqi”, aty ku në vitin 2011 dhe 2012 kanë qenë barrikadat.
Serbët kanë vendosur kamionë dhe vetura transportuese, gjë që e ka bllokuar totalisht komunikacionin, praktikë që nuk është e re.
Tani për tani, ka qindra serbë në barrikadë, dhe numri i tyre po rritet. Kjo pjesë e rrugës për serbët është shumë e rëndësishme sepse është një lidhje e drejtpërdrejtë midis Prishtinës dhe kryqëzimit administrativ të Jarinjes, transmeton gazetametro.net.
Serbët janë të tronditur nga hyrja e forcave speciale të Kosovës në veri, të cilën gjë e ka konfirmuar edhe presidenti serb Vucic, i cili edhe ka ofenduar shqiptarët.
Ndryshe, shefi i të ashtuquajturës Zyrë për Kosovën në Qeverinë e Serbisë u arrestua para disa orësh pasi nuk respektoi refuzimin që i bëri shteti kosovar në kërkesën për vizitë.
Izraeli nis hetimet pasi ushtarët e tij u filmuan duke hedhu...
Maqedonci krenar dhe i emocionuar me betimin e 20 kadetëve t...
Prishtina merr fitore të madhe ndaj Dukagjinit
Raya zbulon sekretin për dy pritjet magjike natën e mbrëmshm...
Dogana arreston dy të dyshuar, për shmangie nga detyrimet do...
Kryesia e Kuvendit të Kosovës do të mblidhet të hënën